REVIT for MEP - ის მოგზაურობა ინჟინერიაში
კონსტრუქციისა და MEP ინჟინერიის გაციფრულება სათავეს 1970-იანი წლებიდან იღებს. თუმცა, CAD და BIM მოდელირების ციფრულობის პირველი ეტაპები მეტად რთული და დროში გაწელილი იყო. Computer Aided Designing იგივე CAD გახდა მელნითა და ფურცლით ხაზვის მემკვიდრე, თუმცა წარმოადგენდა ამ ტრადიციული ხაზვის გაუმჯობესებულ და თანამედროვე სისტემას. ის მალევე გახდა პოპულარული MEP ინჟინრებს, არქიტექტორებს, სტრუქტურულ ინჟინრებსა და დიზაინერებს შორის. ციფრული ხაზვის 2D და 3D შესაძლებლობა, პროექტირების სხვადასხვა ხელსაწყოები, ჭკვიანი კომპონენტები და მენეჯმენტის ხელსაწყოები, ეს მცირედი ჩამონათავლია იმისა, თუ რას სთავაზობდა „ხაზვის“ პროგრამა იმ ინჟინრებს, რომელიც მელნით ხაზვას იყვნენ მიჩვეულნი. კომპიუტერულ წინსვლასთან ერთად, შესაძლებელი გახდა პროექტირების პროგრამების შესაძლებლობების გაზრდისა და მისი, უფრო მძლავრი ხელსაწყოებით გაჯერებისა. თუ ეჭვებში ხართ კომპიუტერული განვითარების რომელ ერაზეა საუბარი, გეტყვით რომ პირველი Revit - ის კონცეფცია 1997 წელს შეიქმნა და მისი იდეა CAD - ის მემკვიდრეობის გაგრძელებას უკავშირდებოდა. მოგვიანებით მას Revit Technology Corporation გადაერქვა (2000 წელს) და შეძენილ იქნა Autodesk - ის მიერ 2002 წელს. Autodesk Revit for MEP - მა გახსნა ახალი ჰორიზონტები ყველანაირი ციფრული მოდელირებისთვის, განსაკუთრებით კი BIM ექსპერტებისთვის. დღესდღეისობით Revit MEP ითვლება პროექტირების ერთ-ერთ ყველაზე თანამედროვე და მძლავრ ხელსაწყოდ. თუ რატომ ამას ახლავე აგიხსნით.
 
ტოპ 12 უპირატესობა Revit MEP - ის გამოყენებისა
  
1. შენობის ყოვლისომცველი საინფორმაციო მოდელის შემუშავება - Revit BIM საშუალებას აძლევს MEP ინჟინრებს, მოკლე დროში შეადგინონ ყველაზე რთული დიზაინი MEPFP-სთვის მისი პლატფორმის მეშვეობით. პარამეტრული მოდელირება Revit-ში იძლევა ბრძანებების ნაკრებიდან შექმნილ დეტალურ მოდელს. სტრუქტურული მონაცემების სრულად გაციფრულება, ინჟინრებს, ზუსტი ინფორმაციის მიღებაში ეხმარება ისეთ პროცესებში, როგორიცაა გაზომვები, ხარჯთაღრიცხვა და მასალების რაოდენობა და სხვადასხვა MEP კომპონენტების მოწყობა.

 
2. მომხმარებელზე ორიენტირებული ინტერფეისი - Revit არის ადვილად გასაგები პლატფორმა. მას აქვს მოსახერხებელი ინტერფეისი, რომელიც მომხმარებელს საშუალებას აძლევს ადვილად მიიღოს საფუძვლიანი წარმოდგენა მახასიათებლების შესახებ. თუმცა, ტექნიკური ცოდნა მექანიკური, ელექტრო და წყალმომარაგების სისტემების შესახებ აუცილებელია შენობის საინფორმაციო მოდელის შემუშავებისთვის.

 
3. კოლაბორაციულ რეჟიმში მუშაობის შესაძლებლობა - როგორც მონაცემთა საერთო გარემო, Autodesk Revit საშუალებას აძლევს პროფესიონალებს სხვადასხვა დისციპლინიდან იმუშაონ და კოორდინაცია გაუწიონ ერთ თანმიმდევრულ მოდელს. ეს ხელს უწყობს დაცულ გარემოს, შესაბამისად, ამცირებს მონაცემთა დაკარგვისა და შეცდომების დაშვების შანსებს.

 
4. ავტომატიზირებული ტექნოლოგია - ავტომატიზაცია სისტემას უფრო ეფექტურს ხდის. მაგალითად, თუ ცვლილება განხორციელდა კონკრეტული ტიპის კომპონენტში, ცვლილება აისახება მთელ მონაცემთა ბაზაში. ეს დაზოგავს დიდ დროსა და ძალისხმევას და ასევე ზრდის სამუშაო პროდუქტიულობას.

 
5. თავსებადობა - Revit MEP არის სტანდარტული პლატფორმა სამშენებლო ინფორმაციის მოდელირებისთვის (BIM). მასში შექმნილი მოდელი შეიძლება იყოს ექსპორტირებული, იმპორტირებული და დაკავშირებაც კი ზოგიერთ საერთო BIM და CAD ფორმატებთან, როგორიცაა IFC, 3DM, SKP და სხვა. 

6. მოდიფიცირებული ოჯახების შექმნა - Revit საშუალებას გაძლევთ შექმნათ მოდიფიცირებული ოჯახები. ოჯახები ძირითადად ბლოკის ტიპის კომპონენტებია, რომლებიც შეიძლება მოთავსდეს პირდაპირ მოდელში. ეს აადვილებს მოდელირების პროცესს. მოდიფიცირებული MEP ოჯახები მომხმარებელს საშუალებას აძლევს შეიმუშაოს მოდელი მათი დიზაინის კრიტერიუმებისა და მოთხოვნების შესაბამისად.

7. პერსონალიზაცია - მომხმარებელს შეუძლია ინსტრუმენტთა პანელი, ხელსაწყოები და მალსახმობების ღილაკების მორგება თავისი მოთხოვნების შესაბამისად. ეს მომხმარებელს საშუალებას აძლევს პროგრამის სამუშაო სივრცე თავის მოთხოვნილებების შესაბამისად მოაწყოს

8. პროექტის განრიგი - 4D BIM - Autodesk Revit MEP ხელს უწყობს დროის ელემენტის ინტეგრაციას BIM მოდელში. დროის ელემენტი, რომელიც ხშირად ცნობილია როგორც 4D დაგეგმვა და სიმულაცია, წარმოადგენს საჭირო დროს კონკრეტული აქტივობის დასასრულებლად. მაგალითად, HVAC სისტემის სამუშაო არხის დაყენებას 5 საათი დასჭირდება. ანალოგიურად, MEP 4D BIM მოდელი აჩვენებს ოპტიმიზებულ გრაფიკს შეფერხებების აღმოსაფხვრელად.

9. ხარჯთა და მასალათა ჩამონათვალი - 5D BIM - ხარჯთაღრიცხვის ელემენტის ინტეგრაცია BIM MEP მოდელში ცნობილია როგორც 5D BIM. ის გთავაზობთ ზუსტ ხარჯთაღრიცხვასა და რაოდენობის აღწერას MEP პროექტისთვის. ის ნათელ წარმოდგენას აძლევს პროექტის მენეჯერს მასალების ღირებულებისა და ზუსტი რაოდენობის შესახებ რაც აღმოფხვრის ბიუჯეტის გადახარჯვას.

10. პროექტის რეალისტური ვიზუალიზაცია - Revit პროგრამული უზრუნველყოფა მომხმარებელს საშუალებას აძლევს ვიზუალურად წარმოაჩინოს პროექტი სხვადასხვა კუთხით. იგი ასევე გთავაზობთ ალტერნატივებს MEP კომპონენტების მოწყობისთვის უკეთესი ვარგისიანობისა და ესთეტიკისთვის.

11. სერვერის რეალურ დროში განახლება - Revit Building Information Modeling პროგრამული უზრუნველყოფა, სერვერის გამოყენებით, პროექტის რეალურ დროში განახლების შესაძლებლობას იძლევა. პირველადი გეგმების, დიზაინის, მასალების ღირებულების ან რაოდენობის ნებისმიერი ცვლილება შეიძლება წამში განახლდეს MEP მოდელში. შესრულებული ცვლილებები დაუყოვნებლივ აისახება ყველა იმ მომხმარებელზე, ვისაც აქვს წვდომა პროექტზე.

12. Revit For MEP - ის პლაგინები - არსებობს 140-ზე მეტი სხვადასხვა ტიპის პლაგინი Autodesk Revit-ისთვის. BIM მოდელიერს შეუძლია გამოიყენოს სხვადასხვა პლაგინები თავისი MEP BIM მოდელის გასაუმჯობესებლად.

Revit MEP-ის მომავალი

როგორი იქნება Revit MEP-ის მომავალი? იქნება თუ არა გამოსადეგი მომავალში? იქნება თუ არა რაიმე მნიშვნელოვანი განახლება MEP BIM პროგრამულ უზრუნველყოფაში? ბევრი კითხვა ჩნდება, როდესაც ვსაუბრობთ Autodesk Revit MEP-ის მომავალზე. მოდით ვიპოვოთ პასუხი ამ კითხვებზე. Revit MEP დომინირებს BIM პროგრამული უზრუნველყოფის ბაზარზე და მას ნამდვილად აქვს დიდი მომავალი. მისი დანერგვის დღიდან, BIM-ზე დაფუძნებულმა პროგრამულმა უზრუნველყოფამ შესთავაზა ფუნქციების ფართო სპექტრი და მნიშვნელოვანი განახლებები მისი საბაზისო ვერსიიდან. Revit BIM MEP აუცილებლად შეასრულებს თავის მიზანს შემდეგი 10 წლის განმავლობაში რეგულარული განახლებებით, სანამ ტექნოლოგიაში რაიმე მნიშვნელოვანი ცვლილება არ მოხდება. ზოგიერთი წყაროს თანახმად, არ იქნება რაიმე მნიშვნელოვანი ან მკვეთრი ცვლილება Revit-ში MEP BIM-ისთვის. ასე რომ დავასკვნათ, მომავალი, როგორც ვხედავთ, ნათელია BIM პროგრამული უზრუნველყოფისთვის და გააგრძელებს MEP ინდუსტრიას და მის ინჟინრებს გამოადგება მინიმუმ მომდევნო 10 წლის განმავლობაში.